Byrådet må umiddelbart starte arbeidet med å få lagt fram eit loveleg budsjett for 2010. Dette må handsamast av bystyret så raskt som mogleg, om naudsynt på eit ekstraordinært bystyremøte i sommar. Bergen kommune kan ikkje leve utan eit godkjent budsjett. Sjølv om byrådet legg opp til det, vil ikkje vi i Senterpartiet vere så uansvarlege. Det er trass alt Bergensarane si velferd det handlar om.
Senterpartiet har vore med på alle tre lovlegkontrollar som har vore fremja i saka. To av desse har gått til fylkesmannen. Begge som har gått til fylkesmannen har no altså fått medhald. Når Senterpartiet støtta lovlegkontrollen var dette ikkje utifrå eit politisk ønskje om å spenne bein på byrådet, men at dette er fagleg rett ut frå gjeldande rekneskapsreglar for kommunar. Senterpartiet sat også i byråd i 2002, då mottok kommunen 1,4 milliardar i utbetaling. Alt blei den gong ført i investeringsrekneskapen, sjølv om kommunen gjekk med underskot og det kunne ha vore freistande å pynte på rekneskapen slik Mælandbyrådet no ulovleg har gjort. I følgje fylkesmannen var det også dei same reglane som gjaldt den gongen.
Byrådet har svart med å raljere med fylkesmannen, i staden for å ta innover seg at det er fatta lovlege og endelege vedtak i saka. Fylkesmannen har vore i tett dialog med departementet om saka. Ei klage til departementet vil berre å vere å påføre Bergen kommune og skattebetalarane ytterlegare kostnader, og framtidige budsjettjusteringar blir berre enno vanskelegare å gjennomføre.
Bjørdal avsluttar med at sakene vise tydeleg at byrådet har mista kontrollen og fører Bergen kommune ut i eit uføre som det vil ta fleire år å rette oppatt. Vi må få eit nytt fleirtal i Bergen som med stø hand kan ta styringa i økonomien. Det kan ikkje vere slik at eit byråd kan bruke opp sparepengane og la komande bystyre måtte stramme inn livreima for halde få budsjetta i balanse.
Ingen kommentarer:
Legg inn en kommentar